«Эсимде» изилдөө аянтчасы «Муундан муунга өтүп келе жаткан жеке жана үй-бүлөлүк тарых» демилгесин жарыялайт.
Эгер сиздин жеке тарыхыңыз, күндөлүк, ата-бабаларыңыздын тарыхы, чоң-ата, чоң-энеңиздин, үй-бүлөңүздүн, айыл же шаарыңыздын көмускөдө айтылбаган, эстен кеткис окуялары болсо — бул долбоор сиз үчүн.
Жеке жана үй-бүлөлүк тагдырларлардын, ооздон-оозго, муундан-муунга өткөн эскерүүлөрдүн биргелешкен жыйнагын чогултабыз. Оозеки тарыхта, үй-бүлөдө сакталып калган карапайым адамдардын жана алардын үй-бүлөлөрүнүн тагдырын эскерүүнү жана кийинки муундарга сактап калууну максат кылуудабыз.
Бул демилгеде ар түрдүү форматтагы тагдырларды кабыл алабыз: эссе, аңгеме, кыска китеп жана башка варианттарда.
Көлөмү сиз тандаган форматка жараша болот. Ар түрдүү ийгиликтерден, трагедиялардан, күнүмдүк турмуштан, из калтырган: достук жана конфликттер, миграция жана эмиграция, репрессиялар жана депортация сыяктуу окуялардын тарыхын жана эс тутумун чагылдыруу үчүн жеке жана үй-бүлөлүк тагдырлардын архивин түзөбүз.
Жеке тарыхыңызды esimdekg@gmail.com электрондук дарегине же Жукеева-Пудовкина 44/1 (4-кабат) жөнөтүңүз.
Суроолор болсо esimdekg@gmail.com электрондук дарегине кайрылыңыз. Сүрөт үчүн Жаныбек Такырбашевдердин үй-бүлөсүнө терең ыраазычылык билдиребиз.
