95 жыл мурда Пакистанга барып отурукташып калган кыргыздар. Алгач совет бийлигин кабыл алып, бирок кийин коммунисттердин саясатына макул болбой, Өзгөндөн чыккан Жаныбек казы өзүнүн жакындары менен бирге мекенин таштап, Памирди ашып көчүп кеткен. Анын урпактары азыр Пакистанда, Түркияда, Бириккен Араб Эмирликтеринде жашап жатышат. Жаныбек казынын урпактары көп жылдан бери Кыргызстанга келип ишкерлик жасашат. Алар менен бирге иш жүргүзгөн ишкер Рысгүл Акимжанова Пакистандагы Жаныбек казынын урпактары жашаган жерге экспедиция уюштурган.
