Бул эпизоддо антрополог, Женевадагы институттун илимий кызматкери, социалдык антропология боюнча философия илимдеринин доктору (PhD) – Зарина Урманбетова, Улуттук илимдер академиясынын Тарых, археология жана этнология институтунун илимий кызматкери – Азамат Алагөз, Ош мамлекеттик университетинин окутуучусу, тарых илимдеринин доктору – Нурсултан Абдимиталип уулу менен бир үстөлдө чогулуп билимдин жаралышы, социалдык антропология, деколонизация процесси, кыргыз улуту жана анын тарыхына көз караштар сыяктуу темаларда талкуу болду. Ошондой эле деколониалдык процесстин улуттук иденттүүлүккө тийгизген таасири, кыргыз тилинде илим жүргүзүү жана гуманитардык илимдердин орду тууралуу ой толгоолор болду. Подкастты толугу менен угуп, бул терең темалар боюнча кененирээк маалымат алыңыз!
