«Эсимде» жана «Жарандык агартуу академиясы» 16-июлда сүрөтчү Чыңгыз Айдаровдун чыгармачыл короосунда Төлөмүш Океевдин «Бакайдын жайыты» тасмасын көрсөтүп, анын айланасында талкуу кечесин уюштурду. Бул тасманын тандалып алынышы да бекеринен эмес. Кеңеш өкмөтүнүн цензурасына карабастан ушундай кең пейил, деколониалдык тасманын жаралышын кайталангыс ийгилик жана кыргыз киноискусствосундагы эң мыкты эмгектердин бири катары бааладык.
Тасма көрүүгө Төлөмүш Океевдин кызы – Азиза Океева келип, чогуу Кеңеш өкмөтүнүн учурунда коюлган тасмаларды талкууладык. Келген көрүүчүлөр суроо-жооп алышып, тасманы койгонго чейинки кызыктуу айтыла элек окуяларды айтып, каалоочулар Азиза Океевадан тасманын нуска дисктерин алып кетишти.
«Эсимде» жана «Жарандык агартуу академиясы» тасманы көрүүгө келген бардык катышуучуларга, Чыңгыз Айдаровго жана Азиза Океевага терең ыраазычылык билдирет!
