Көрсөтүүдө XIX кылымдын аягы — XX кылымдын баш ченинде пайда болгон жадидчилик кыймылынын Кыргызстанда да таралышы, аймактагы жаңы усулдагы мектептер, жадидчилердин коомдук- саясий иш аракеттери, кыргыз улуттук билим берүү башатында турган агартуучулар, ошондой эле алардын татар, башкир жана жалпы эле Түркстан аймагындагы жадидчилер менен байланыштары тууралуу болот. XX кылымдын башындагы жазгыч акындар, агартуучулар, кыргыздын алгач тарыхчылары Белек Солтоноев, Осмонаалы Сыдык уулу, Ишенаалы Арабаев жана башка ошол убактын интеллигенциялары билим алган окуу жайлар жана ошол мезгилдин билим алуу жол жоболору жөнүндө кенен сөз болот.
